મોડાસા કોલેજ કેમ્પસ ની બધી કોલેજ નું સંચાલન શ્રી મ. લા. ગાંધી ઉચ્ચતર કેળવણી મંડળ દ્વારા થાય છે. આજે આ કેમ્પસમાં હેમચંદ્રાચાર્ય ઉત્તર ગુજરાત યુનિવર્સિટી સંલગ્ન આર્ટસ, સાયન્સ, કોમર્સ અને ફાર્મસી કોલેજ છે. અંગ્રેજી માધ્યમની શાળા અને આંબેડકર ઓપન યુનિવર્સિટી તેમજ ઇન્દિરા ગાંધી નેશનલ ઓપન યુનિવર્સિટી અભ્યાસ કેન્દ્રો છે. આ વટવૃક્ષમાં સૌથી પહેલા આર્ટસ અને સાયન્સ કોલેજની શરૂઆત ઇ.સ. ૧૯૬૦ માં થઇ હતી. પાંચ દાયકાની મજલ આર્ટસ કોલેજે કાપી છે. પાંચ દાયકામાં કેળવણીની કોઈપણ સંસ્થા ગૌરવ લઇ શકે તેવી સ્વસ્થ અને પરંપરાઓ અને પ્રણાલિકાઓ અહી સ્થપાઈ છે. મોડાસા ઉત્તર ગુજરાતનું જ નહીં પણ સમગ્ર ગુજરાતનું એક મહત્વનું વિદ્યાધામ બન્યું છે. આર્ટસ કોલેજ માંથી પાંચ દાયકામાં ગુજરાતમાં અને રાષ્ટ્રીય કક્ષાએ ઉદ્યોગ ક્ષેત્રે અને કેળવણી ક્ષેત્રે અસંખ્ય વિદ્યાર્થીઓ સમાજમાં ઉચ્ચ સ્થાને બિરાજી પોતપોતાની રીતે મહત્વનું પ્રદાન કરી રહ્યા છે.